DESCRICIÓN DA ACTIVIDADE

1. LECTOESCRITURA

A lectura e a escritura son elementos inseparables dentro dun mesmo proceso mental. 

Por exemplo, cando lemos, imos descifrando os signos para captar a a sua imaxe acústica para, simultaneamente, ir cifrándoos en unidades maiores: palabras, frases e oracións para obter significado. E, ao escribir, convertemos en código as palabras que á súa vez imos lendo (descifrando) para asegurarnos de que estamos a escribir o que queremos comunicar (retroalimentación).

Polo tanto, o propósito fundamental é construír significados. Coñecendo o seu proceso, podemos deseñar e ofrecer actividades dirixidas a desenvolver e refinar destrezas lingüísticas necesarias para unha mellor utilización da linguaxe.

O ensino de lectoescritura consiste en prover actividades que estimulen o desenvolvemento de destrezas de codificación, descodificación e interpretación de contidos textuais. (Cabe apuntar que o proceso de ensino-aprendizaxe de lectoescritura comeza desde que o bebé descobre a linguaxe, e prolóngase durante toda a vida).

OBXECTIVOS 

Desenvolver os pre-requisitos das habilidades en lecto-escritura, como son:

- Orientación espazo-temporal.

- Asociación grafema-fonema.

- Aumentar a velocidade lectora.

- Mellorar a comprensión lectora.

- Desenvolver a composición escrita.

- Fomentar o gusto pola lectura.

- Aprender a respectar o material, a quenda, as normas.

- Previr e detectar dificultades nestas todas habilidades.

2. CÁLCULO

Adquirir boas habilidades de razoamento é básico e fundamental para poder aprender ciencias exactas, como as matemáticas. Aquí, o noso principal interese é conseguir desenvolver esta destreza nxs nenxs, mediantes xogos e actividades.

OBXECTIVOS

- Desenvolver o razoamento lóxico-matemático.

- Traballar conceptos abstractos.

- Proporcionar estratexias e técnicas para facer máis fácil a comprensión matemática.

- Identificar e previr as posibles dificultades de cada un.

- Traballar operacións matemáticas básicas e os principios de conservación (peso, cantidade e volume).

- Traballar a resolución de problemas, fomentar un pensamento máis científico e desenvolver habilidades nas operacións físicas, espaciais e temporais/cinéticas.

QUE OFRECEMOS?

- Atención personalizada.

- Servizo de orientación  a pais e alumnxs.

- Información e contacto directo coa casa co fin de informar sobre a evolución do alumnado.

- Todo o noso profesorado está coidadosamente seleccionado, titulado universitario, e conta con ampla experiencia docente.